ஆண்களே உஷார்
இன்றைய வேலை மற்றும் வாழ்வியல் மாற்றத்தின் காரணமாக ஆண்களுக்கு விந்தணு திறன் மற்றும் உற்பத்தி குறைபாடு ஏற்படுகிறது. அத்தகைய ஆண்களுக்கு ஏற்படும் விந்தணு திறன் மற்றும் உற்பத்தி குறைபாட்டிற்கு முக்கிய காரணங்கள் என்ன என்று பார்க்கலாம்.
சுடுநீர் குளியல் : பெரும்பாலான ஆண்கள் உடல் வலி குறைக்க சூடான நீரில் குளிப்பார்கள். மேலும் இவ்வாறு செய்யும் பொழுது விந்தணுவின் தரம் குறைவதோடு உற்பத்தியும் தடைபடும்.
இறுக்கமான உடை அணிதல் : அணியும் உள்ளாடை மிகவும் இறுக்கமானதாக இருப்பதால் இவை விந்தணுவின் உற்பத்தியை குறைக்கும். எனவே எப்போது தளர்வாக இருக்கும் உள்ளாடையையே அணிய வேண்டும்.
நீண்ட நேரம் மொபைல் பயன்படுத்துவது : ஆண்கள் நீண்ட நேரம் மொபைல் போனை பயன்படுத்தினால் விந்தணுவின் உற்பத்தி குறையும் என்றும் கண்டறியப்பட்டுள்ளது.
மன அழுத்தம் : மன அழுத்தம் ஆண்களின் உடலில் விந்தணு உற்பத்தி குறைந்து சில சமயங்களில் இவை மலட்டுத்தன்மையை ஏற்படுத்திவிடும். எனவே இத்தகைய மன அழுத்தத்தைக் குறைக்க உடற்பயிற்சி, யோகா, தியானம் போன்றவற்றை தினமும் மேற்கொள்ள வேண்டும்.
போதிய உடலுறவு இல்லாமை : உடலுறவில் ஈடுபடுவதன் மூலம் பல உடல் மற்றும் மனரீதியான பிரச்சனைகளை குணப்படுத்த முடியும். எனவே அவ்வப்போது உடலுறவு கொள்வதன் மூலம், மன அழுத்தம் குறைந்து, விந்தணுவின் உற்பத்தியும் அதிகரிக்கும்.
குடி பழக்கம் : ஆல்கஹால் அதிகம் பருகினால், அவை டெஸ்டோஸ்டிரோனின் அளவை குறைக்கும். இதனால் விந்தணுவின் உற்பத்தியும் குறையும். ஆகவே ஆல்கஹாலை அதிகம் பருகுவதை தவிர்க்க வேண்டும்.
புகைப்பிடித்தல் : சிகரெட்டில் உள்ள புகையிலையானது, விந்தணுவின் உற்பத்தியை குறைப்பதோடு, மலட்டுத்தன்மையை உண்டாக்கிவிடும்.
சோயா பொருட்கள் : ஆண்கள் சோயா பொருட்களை அதிகம் உட்கொள்வதால் அதில் உள்ள ஐசோஃப்ளேவோன்ஸ் விந்தணுவின் எண்ணிக்கை தரம் மற்றும் உற்பத்தியை பாதிக்கும்.
டிவி பார்த்தல் : தினமும் டிவி பார்க்கும் ஆண்களுக்கு விந்தணு உற்பத்தி குறையும் வாய்ப்பு உள்ளது. எனவே தினமும் டிவியை அதிகம் பார்க்காமல் உடற்பயிற்சி செய்வது மிகவும் நல்லது.
லேப்டாப் : பெண்களை விட ஆண்கள் தான் அதிக அளவு லேப்டாப்பை பயன்படுத்துகிறார்கள். இதனால் அவர்களுக்கு விந்தணுவின் உற்பத்திக்கு பாதிப்பை ஏற்படுத்திவிடும். எனவே லேப்டாப்பை நீண்ட நேரம் மடியில் வைத்து வேலை செய்வதை தவிர்க்க வேண்டும்.