ஸ்படிகம் என்பது ஒரு வகை கிரிஸ்டல், தூய்மையான நிலையில் கண்ணாடி போலக் காணப்படும்.இது மிகவும் குளிர்ந்த தன்மையது, அதனால் இதன் மணிகளை மாலையாகக் கோத்து பெரியவர்கள் அணிவதும் உண்டு.
ஸ்படிகம் இமய மலையின் அடி ஆழத்திலும் விந்திய மலை மற்றும் சங்ககிரி மலையின் சில பகுதிகளிலும் கிடைக்கும்.இது மிகவும் விலைமதிப்புள்ளதாக கருதப்படுகின்றது.ஸ்படிக லிங்கம் சுயம்புவாக கிடைக்கக்கூடியது, அதனால் இது மிக உயர்ந்த ஸ்தானத்தில் வைத்து மதிக்கப்படுகிறது.
ஸ்படிகம் சிவனின் நெற்றியை அலங்கரிக்கும் சந்திரனிலிருந்து விழுந்ததாகக் கூறுவோரும் உண்டு.ஸ்படிக லிங்கதை வீட்டில் வைத்து வழிபடுவது மிகவும் உகந்தது.வியாபாரிகள் இந்த ஸ்படிக லிங்கத்தை வீட்டிலோ தங்கள் வியாபாரக் கேந்திரத்திலோ வைத்து வழிபடலாம், முறைப்படி பூஜிப்பதால் ஸ்படிகம் தன ஆகர்ஷண சக்தி படைத்ததாக மாறுகிறது.
அதனால் நல்ல லாபம் கிடைப்பதுடன் தொழிலும் மேலும் விருத்தியடையும்.மாணவர்களும் கூட ஸ்படிக லிங்கத்தை வீட்டில் வைத்து வழிபடலாம்.தொடர்ந்து இதைப் பத்து நிமிடம் பார்த்துக் கொண்டிருந்தாலே நல்ல ஞாபக சக்தி, விஷயங்களை கிரகித்துக் கொள்ளும் ஆற்றல் ஆகியவை கிட்டும்.
இதற்கு தினமும் பூஜை செய்ய நல்ல மனத்திண்மையும் நேர் வழியில் செல்ல விருப்பமும் உண்டாகும்.சூர்யோதயம், அஸ்தமன நேரங்களில் ஸ்படிக லிங்க பூஜை செய்தால் அனைத்து விருப்பங்களும் நிறைவேறும் என்பது பக்தர்களின் நம்பிக்கை.