பிரபஞ்ச அழகி
அவுஸ்திரேலியாவில் நடைபெற்ற பிரபஞ்ச அழகிக்கான போட்டியில் முதன்முறையாக கலந்துகொண்ட இந்திய வம்சாவளி பெண் வெற்றி பெற்றுள்ளார்.
இந்தியாவின் கர்நாடக மாநிலத்தை சேர்ந்த பிரியா செர்ராவ் (27), தன்னுடைய 11 வயதிலே அவுஸ்திரேலியாவிற்கு குடிபெயர்ந்துவிட்டார்.
விக்டோரியா மாகாணத்தில் சட்ட ஆலோசகராக பணியாற்றி வரும் பிரியா, மெல்போர்னில் நடைபெற்ற பிரபஞ்ச அழகிக்கான போட்டியில் கலந்து கொண்டார். இவருடன் மேலும் 26 பெண்கள் கலந்துகொண்டனர்.
இந்த நிலையில் மாடலிங் துறையில் அனுபவம் இல்லாத பிரியா, தான் பங்கேற்ற முதல் போட்டியிலேயே அவர்கள் அனைவரையும் வீழ்த்தி பிரபஞ்ச அழகியாக தேர்ந்தெடுக்கப்பட்டார். பெல்லா கசிம்பா இரண்டாம் இடத்தையும், மரிஜானா மூன்றாம் இடத்தையும் பிடித்தனர்.
பின்னர் இதுகுறித்து பேசிய பிரியா, நான் வெற்றிபெறப் போவதில்லை என்பதில் உறுதியாக இருந்தேன். முதல் பத்து இடங்களில் தான் வருவேன் என நினைத்திருந்தேன். அதனால் என்னுடைய குடும்பத்தினரையோ, நண்பர்களையோ நான் அழைக்கவில்லை. இது மிகவும் ஒரு வேடிக்கையான இரவு என தெரிவித்துள்ளார்.
