முன்னணி நடிகர்கள் கோடிக்கணக்கில் சம்பளம் வாங்கினால் துணை நடிகர்களின் சம்பளம் சில லட்சங்களில் தான் இருக்கும். அவர்களுக்கு பெரிதாக திரையில் ஜொலிக்கும் வாய்ப்பும் அதிகம் கிடைக்காது. இருப்பினும் ஒரு சிலர் தங்கள் நடிப்பு திறமையை காட்ட வித்யாசமான ரோல்களில் நடிக்க தயங்குவதில்லை.
இந்நிலையில் காஞ்சனா, பைரவா உள்ளிட்ட பல படங்களில் நடித்துள்ள நடிகர் ஸ்ரீமன் தற்போது ஒரு படத்திற்காக பிச்சைக்காரராக மாறியுள்ளார். சில புகைப்படங்களையும் அவர் வெளியிட்டுள்ளார்.
“என்ன பாலா படத்தில் நடிக்கிறீங்களா” என ரசிகர் ஒருவர் கேட்டதற்கு, “அவரின் அழைப்புக்காக காத்திருக்கிறேன், ஆனால் இது பாலா படம் இல்லை” என ஸ்ரீமன் பதிலளித்துள்ளார்.
