சீனாவில் பள்ளியில் படிக்கும் பள்ளி மாணவியின் பின்புறத்தை தட்டிய குற்றத்திற்காக தாய் ஒருவர் மகனுக்கு கொடுத்த வித்தியாசமான தண்டனை சமூகவலைத்தளங்களில் வைரலாகி வருகிறது.
சீனாவின் Guizhou மாகாணத்தின் Guiyang பகுதியில் இருக்கும் மக்கள் பரபரப்பு மிகுந்த சாலையில் பள்ளி சிறுவன் ஒருவன் ஆடை இல்லாமல் உள்ளாடையுடன் கையை சற்று உயர்த்தி நின்ற படி நின்று கொண்டிருந்தான்.
இதைக் கண்ட அங்கிருந்த மக்கள் வீடியோவாக எடுத்து சமூகவலைத்தளங்களில் வெளியிட, அந்த வீடியோ வைரலானது.
இந்நிலையில் இது குறித்து அங்கிருக்கும் உள்ளூர் ஊடகம் வெளியிட்டுள்ள செய்தியில், அந்த மாணவனின் பள்ளி ஆசியர் அவனின் தாயாரை அழைத்து, உங்கள் மகன் பள்ளி மாணவியின் பின் பகுதியை தொட்டுவிட்டான், அவனுக்கு நீங்கள் தான் நல்ல பாடத்தை புகட்ட வேண்டும் என்று கூறியுள்ளார்.
அதன் காரணமாகவே அந்த சிறுவனின் தாயார், இந்த தண்டனையை கொடுத்துள்ளார் என்று தெரிவித்துள்ளது. இந்த வீடியோவைக் கண்ட ஒருவர் இந்த தண்டனை கொஞ்சம் அதிகமே, இதனால் அவன் மனதளவில் பாதிக்கப்பட வாய்ப்புள்ளது என்று கூற, அடுத்தொருவரோ இது சரியான தண்டனை என்று குறிப்பிட்டுள்ளனர்.