வவுனியா – மன்னார் பிரதான வீதி புனரமைக்க நடவடிக்கைகள் ஆரம்பமாகியுள்ளதாக வவுனியா வீதி அபிவிருத்தி அதிகார சபையின் பிரதான அதிகாரி தெரிவித்துள்ளார்.
நீண்டகாலமாக புனரமைப்புச் செய்யப்படாதிருந்த வவுனியா – மன்னார் பிரதான வீதி மற்றும் வவுனியா உள்ளூர் வீதிகளின் புனரமைப்பு பணிகள் எதிர்வரும் ஜனவரி மாதம் ஆரம்பிக்கப்படவுள்ளது.
ஆசிய அபிவிருத்தி வங்கியின் கடனுதவியுடன் இணைக்கப்பட்ட வீதிகள் புனரமைப்புத் திட்டத்தின் கீழ் வடக்கு மாகாணத்தில் 343 வீதிகள் மொத்த நீளம் 1034.18 கிலோ மீற்றர் வீதிகள் புனரமைக்க நடவடிக்கை எடுக்கப்பட்டுள்ளது.
அவற்றின் புனரமைப்புப் பணிகள் இரண்டு வருடங்களில் முடிவுறும் வகையில் ஒப்பந்தங்கள் வழங்கப்பட்டுள்ளது.
இதில் உள்ளடக்கப்பட்ட சில வீதிகளில் வவுனியா – மன்னார் பிரதான வீதி, பறயனாளங்குளம் வரையும், நெளுக்குளம் – நேரியகுளம் வீதி, பூவரசன்குளம் – செட்டிகுளம் ஆகிய பிரதான வீதிகள் எதிர்வரும் டிசம்பர் மாதம் ஜனவரி மாதங்களில் புனரமைப்பு பணிகள் ஆரம்பிக்க உள்வாங்கப்பட்டுள்ளது மேலும் தெரிவிக்கப்பட்டுள்ளது.